<Бәйет> // Фольклорный архив Башкирского государственного университета

ISBN 978-5-87604-352-8

Фольклорный архив Башкирского государственного университета

 

К оглавлению издания.

Название: <Бәйет (Баит).>
Жанр: Баит.
Место записи: БАССР, Хайбуллинский район, д. не указана.
Год записи: 1968 г.
Язык: башкирский.
Источник публикации: том № 4 фольклорного архива кафедры башкирской литературы. Материалы фольклорной экспедиции в Хайбуллинский район Башкирии; л. 210-212.
Записано Имя и возраст информатора и фольклористы не указаны.

<Бәйет>

Ай-һай ғына минең хәлем ауыр,
Йәм тап ай бит ғәзиз йәндәрем.
Һарғаялар тулы йөҙҙәрем,
Күрмәйҙәр бит ике күҙҙәрем.

Беҙҙең генә өйҙөң баштарынан
Ҡыр ҡаҙҙары теҙелеп үттеләр.
Көләс кенә йөҙөм, шат күңелем
Күҙ нурларым менән киттеләр.

Бағыры ла микән сайлы микән,
Урал буйҡайының йылғаһы.
Бриллиант та кеүек булһын ине
Ике күҙҙәремдең нурҙары.

Иртәнсәкәй тороп тышҡа сыҡһам,
Сыйырсыҡтар килгән баҡсаға.
Күҙ нурҙары һатып алыр инем,
Һатып алып булмай аҡсаға.

Йылғаларға барҙым ҡарарға,
Йылға һыуы йылғыр аға ла,
Йылға һыуы йылғыр аға ла,
Йөрәкәйем утта яна ла.

Бөгөн генә көндәр кояшлы икән,
Керҙәр генә сайҡап элһәмсе,
Уф тип әйтмәҫ инем бер генә
Аяҡ юлларымды күрһәмсе.

Аҡ ҡанатлы ғына күк ҡарсыға
Йөрөй ҙә генә урман итәкләп,
Илле биш тә йәштәремә еткәс,
Балаларым йөрөтә етәкләп.

Эскәйҙәрем бошһа ятып торам
Дебет шәлкәйемде бөркәнеп,
Ултыра ла торғас мин илайым
Күҙһеҙлектәремә лә опланып.

Өҫтөмдәге генә күлдәгемде
Элеп кенә ҡуйҙым туҙғанға,
Бер илайым ғына, бер йырлайым
Ғүмеркәйем зая уҙғанға.

Уй уйлайым, үҙем көй көйләйем,
Көйләр көйләп йырҙар төҙәйем,
Йыр төҙәмәйенсә мин түҙмәйем,
Ике күҙем күрмәй йөҙәйем.

Сентябрҙең ай аҙаҡтарында
Бешкән ҡыҙыл балан баулайым.
Был сығарған минең йырҙарымды
Күҙһеҙ кешеләргә арнайым.

 

Ссылка на эту публикацию:

<Бәйет> [Электронный документ] // Фольклорный архив Башкирского государственного университета: электронное научное издание / под ред. Б. В. Орехова, А. А. Галлямова. [2011—2018]. Дата обновления: 11.02.2014. URL: http://lcph.bashedu.ru/editions/efolk.php?go=folk_id.311&w=%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD (дата обращения: 24.09.2018).

 

Экспорт в XML

                                  

ISBN 978-5-87604-352-8